Mazmuni
Qorin dam bo`lishi nima?
Agar siz qorin dam bo`lishidan aziyat cheksangiz, siz yolg’iz emassiz. Ko’pchilik odamlar ertami-kechmi qorin dam bo`lishi va meteorizm muammolariga duch kelishadi. Bizning organizm – ovqatni energiyaga aylantira oladigan ajoyib tizim. Agar bu jarayon davomida oshqozon-ichak yo’lida ortiqcha gaz ishlab chiqarilsa, qorin shishgan va kattalashgan bo’lib ko’rinishi mumkin. Ortiqcha gazlarni yomon chiqarilishi kuchli noqulaylik va qorin og’rig’i sifatida namoyon bo’ladi.
Odatda oshqozon-ichak yo’lida gaz hosil bo’lishiga bakteriyalar tomonidan achitilgan, hazm bo’lmagan oziq-ovqat miqdori, shuningdek ichak florasining umumiy tarkibi va tarqalishi ta’sir qiladi. Jinsidan qat’iy nazar, nazoratsiz gaz ajralishi bilan bog’liq qorin dam bo`lishi va xavotirlik kundalik hayotdagi stressning jiddiy sababi bo’lishi mumkin.
Jinsidan qat’iy nazar, qorin dam bo`lishi va nazorat qilinmaydigan meteorizmdan qo’rqish kundalik hayotdagi stressning asosiy sababi bo’lishi mumkin.
Meteorizm nima?
Meteorizm – bu muammoda ortiqcha miqdorda hosil bo’lgan gaz tabiiy yo’l bilan chiqariladi, o’z navbatida ba’zi odamlar uchun ijtimoiy izolyatsiyaga sabab bo’lishi mumkin. Qorin bo’shlig’idagi gazlar yo’g’on ichakdagi flora ta’sirida fermentatsiyaga uchragan so’rilmagan ovqatdan hosil bo’ladi. Gaz miqdori va ularning chiqarilish soni odamlarda farq qiladi va oziq -ovqat tarkibiga va bakteriyalarning metabolik faolligiga bog’liq bo`ladi.
Agar odam hosil bo’lgan gazlardan samarali xalos bo’la olmasa, bu ularning ichakda uzoq vaqt ushlanib qolishiga va og’riq alomatlari, hamda qorin dam bo`lishi paydo bo`lishiga olib kelishi mumkin.
Qorin dam bo`lishi va meteorizmni oldini olish uchun uni keltirib chiqaradigan mahsulotlarlar yoki sabablarini aniqlash kerak. Qorin dam bo`lishining sabablari ro’yxati katta: noto’g’ri ovqatlanishdan boshlab, stress va gormonal muvozanat buzilishiga qadar.
Meteorizm, qorin dam bo’lishi va ularning sabablari
Gazlar hosil bo’lishi va ularning chiqarilishi tabiiy holat. Ammo ularning hajmi va tez-tezligi turli odamlarda farq qiladi. Haddan tashqari qorinning dam bo`lishi va meteorizm turli sabablarga ko’ra yuzaga kelishi mumkin.
Qorin dam bo`lishi va ichaklarda gazlar to’planishi asosida murakkab jarayonlar yotadi. O’rtacha odamda har doim oshqozon-ichak yo’lida 100-200 sm3 gaz bo’ladi. Gaz hajmi havo yutilganda va gazlangan ichimliklar ichganda oshishi mumkin. Odatda bu gazlar qonga so’rilib, keyinchalik nafas bilan chiqariladi yoki oddiy ichak orqali chiqariladi. Agar ovqat hazm qilish tizimida buzilish bo’lsa, ortiqcha gaz mayda pufakchalar ko’rinishida to’planib qolishi mumkin, oqibatda odam og’irlik va qorin dam bo’lishini his qilishi mumkin.
Oziq -ovqat allergiyasi va ba'zi oziq -ovqat mahsulotlarini ko`tara olmaslik, ovqatlarni to'g'ri hazm qila olmaslik tufayli qorin dam bo'lishiga olib kelishi mumkin.
Ratsiondagi ko'p miqdordagi shakar, dukkakli mahsulotlar yoki kletchatka noxush oqibatlarga olib kelishi mumkin, chunki hazm qilinmagan ovqat gaz hosil qiladi. Shuningdek, qorin bezovtalanishining ko`p uchraydigan sabablaridan biri - sayohat qilish davomida yangi taomlarni tatib ko'rish.
Stressning o'zi ovqat hazm qilishning yomonlashishiga sabab bo'lishi mumkin. Ishdagi zo’riqish va oiladagi kelishmovchiliklar sababli juda tez ovqatlanishingiz mumkin. Ovqatlanish davomida havo yutish – qorin dam bo`lishi va meteorizmning keng tarqalgan sababidir.
Chaqaloqlarni ko'krak bilan oziqlantirish davrida ko`pincha ortiqcha havo yutishadi. Natijada ularda qorin dam bo`lishi kuzatiladi, bu esa chaqaloqlar sanchiqlariga olib kelishi mumkin.
Ko'p ayollar hayz davrida qorin dam bo`lishidan shikoyat qiladilar. Gormonal disbalans oshqozon-ichak yo’lining ishini sekinlashtirishi va qorin dam bo`lishiga olib kelishi mumkin.
Qorin dam bo`lishi homiladorlik davrida paydo bo'lishi mumkin, bunda alomatlar hayz davrida bo'lgani kabi bo’ladi.
Meteorizm va qorin dam bo`lishi alomatlari
Ko’pchiligimiz ovqatdan keyingi to’yinish hissi bilan duch kelganmiz. Oshqozon-ichak yo’lidagi ortiqcha gaz yoki havo “dam bo’lish” holatini chaqiradi. Qorin to’lishgan, qattiq, kattalashgan yoki taranglashgandek tuyuladi.
Boshqa bo’lishi mumkin bo’lgan alomatlar:
qorin og`rishi
Ixtiyoriy yoki ixtiyorsiz gaz chiqishi (meteorizm)
Tez-tez kekirish
Qorin quldirashi yoki bulqillashi
Ortiqcha gazdan bosim va spazmlar
Qorin dam bo’lishi qanchalik jiddiy? Shifokorga murojaat qilishim kerakmi?
Qorin dam bo`lishi va meteorizm - shifokorga tashrif buyurish chog`ida oshqozon-ichak yo’li tomonidan eng ko’p uchraydigan shikoyatlaridan biridir. Qorin dam bo`lishi bemorda jiddiy noqulaylik tug’dirishi mumkin bo’lsa -da, ko’pincha bu xavfsiz holatdir. Xususan, qorin dam bo`lishi ovqatlanishdan va ba’zi turdagi ovqatlardan kelib chiqsa, kuchaymasa va bir-ikki kungacha davom etsa. Anemiya va bexosdan vazn yo’qotish kabi havotirli belgilarga e’tibor berish kerak. Bu alomatlar malabsorbsiya (so`rilishning buzilishi) bilan bog’liq bo’lishi mumkin. Agar kuchli og’riq, ko’ngil aynishi va qusish kuzatilsa, har doim shifokorga murojaat qilish tavsiya etiladi.
Qorin dam bo`lishi va meteorizmni qanday kamaytirish mumkin? (oldini olish)
Agar qorin dam bo’lishiga nima sabab bo'lganini bilsangiz, birinchi navbatda shu omillarga e'tibor berishingiz kerak. Oziq-ovqatlarni ko`tara olmaslik mavjudligini tekshirish lozim, hamda siz uchun zararli bo`lgan taomlardan voz kechishingiz kerak. Agar muammolaringiz stress tufayli yuzaga kelgan bo’lsa, ish va shaxsiy hayot muvozanatini yaxshilashga harakat qiling.
Ammo ba'zida hayotning dinamik sur'ati va zo’riqishli ish tartibi tufayli muvozanatga erishish qiyin. Balki siz tez-tez safarda bo’lasiz va doimo soq’lom ovqatlanishga imkoniyatingiz bo’lmasligi mumkin. Yoki zo’riqishli sur'atga qaramay, o'z ishingizni chindan ham yaxshi ko'rasiz. Ba'zida qorin dam bo’lishining barcha sabablarini bartaraf etish mumkin emas.
Qorin dam bo`lishi va meteorizmda nima yordam beradi?
Shunday vaziyatni tasavvur qiling: siz hozirgina to`yib tushlik qildingiz va qorinda yana to’lalikni his qilyapsiz. Quyida sizga qorin dam bo`lishi va meteorizmni kamaytirish uchun bir nechta usullar:
Qorinni yo’g’on ichak bo’ylab yengil uqalash, ichakda to’planib qolgan gazni chiqarishga yordam beradi.
Tadqiqotlar shuni ko'rsatdiki, yengil faollik ichaklarni gazlardan xalos bo’lishga yordam beradi. Tabiat qo`ynida sayr qilish kabi mashg`ulotlar ichaklarni faollashtirishi va ortiqcha gazlardan xalos bo’lishga yordam berishi mumkin. Bundan tashqari, umurtqaning noto'g'ri holati va belga yotish holati gazlarning normal harakatlanishiga xalaqit berishi mumkin.
Espumizan® – qorin dam bo`lishi va meteorizmdan sinalgan va samarali vosita. Espumisan® kapsulasi meteorizm kabi gaz hosil bo`lishi bilan bog’liq ko’plab alomatlardan tezda xalos bo’lishga yordam beradi. Simetikon ta`sir etuvchi moddasi oshqozon-ichak yo’lida to’plangan gaz pufakchalarining sirt tarangligini o’zgartirib, ularni parchalaydi. Ajralgan gaz tabiiy yo’l bilan chiqariladi.
Espumizan® - qorin dam bo`lishidan tezda xalos bo'lish!*
Qorin dam bo`lishi va meteorizm – tabiiy holat. Ammo zamonaviy turmush tarzi jiddiy yuklamalar bilan bog’liq. Zo`riqtiruvchi ish, hamda sevimli mashg’ulot, oila va ijtimoiy hayot o’rtasidagi doimiy almashishlar, shuningdek ko’p miqdorda nosog’lom ovqatlarni, shu jumladan juda yog’li ovqatlarni iste’mol qilish stressga olib kelishi mumkin. Bizning ovqat hazm qilish tizimimiz bunday yuklamaga bardosh berolmaydi. Hosil bo’lgan ortiqcha gaz ichakda to’planishi va dam bo’lish va og’irlik hissini chaqirishi mumkin. Qorin sohasidagi noqulaylik va nazoratsiz meteorizm bilan bog’liq xavotirlikhning o`zi ham ko’p odamlar uchun stress manbasidir.
Espumizan® preparatining faol moddasi bo’lgan simetikon tez va ishonchli yengillikni ta`minlaydi. Simetikon-qorin dam bo`lishi va meteorizmga qarshi sinalgan va samarali vosita. Espumizan® preparatining faol moddasini bir martalik dozasi meteorizm yoki qorin dam bo`lishi kabi ortiqcha gazlar bilan bog’liq alomatlardan tezda xalos bo’lishni ta’minlaydi.
Espumizan® preparatining faol moddasi Simetikon oshqozon-ichak yo’lidagi oziq -ovqat massasida qolgan gaz pufakchalarining elastikligini o’zgartiradi. Pufakchalar parchalanib, gaz ajralgandan keyin, ichak devoriga so’riladi, hamda tabiiy yo’l va kekirish orqali chiqariladi.
Espumizan® - turli ehtiyojlar uchun har xil shakllar
Espumizan® kapli,100 mg/ml
Hayotning birinchi haftalaridan boshlab meteorizm bilan bog'liq holatlarni davolash uchun oson yutiladigan emulsiya.
Espumizan® kapsulalar, 40 mg
Ortiqcha gazlar hosil bo'lishi chaqirgan oshqozon-ichak alomatlarini samarali davolash uchun 40 mg Simetikon saqlovchi kapsulalar